काठमाडौं । ६७ औं प्रहरी दिवस २०७९ लाई बिभिन्न कार्यक्रमहरु संचालन गरी मनाउने क्रममा बृक्षारोपण कार्यक्रम सम्पन्न भएको छ ।
मकवानपुरको हेटौंडा उपमहानगरपालिका-१ पाथिभरा मन्दिर परिसरमा बागमती प्रदेश प्रहरी प्रमुख प्रहरी नायब महानिरीक्षक किरण बज्राचार्यले कपुरको बिरुवा रोपी बृक्षारोपण कार्यक्रमको सुभारम्भ गरेकी थिइन् ।
बृक्षारोपण कार्यक्रममा बागमती प्रदेश प्रहरी कार्यालय, हेटौंडा, बागमती प्रदेश प्रहरी गण, हेटौंडा तथा बागमती प्रदेश विपद व्यवस्थापन गुल्म, हेटौंडामा कार्यरत प्रहरी कर्मचारीहरुको सहभागिता रहेको थियो ।
कार्यक्रममा तेजपाता, कपुर, अम्बा, कागती, अनार, जमुना, कोइराला, बयर, पारिजात, ईपिल, अमला, निम लगायतका प्रजातीका १६३ वटा बहुउपयोगी विरुवा रोपिएको छ ।
यसैगरी बृक्षारोपण पश्चात प्रहरी कर्मचारीहरुले मन्दिर परिसरको सरसफाई समेत गरेका छन् ।
