काठामाडौं । उपत्यकामा निषेधाज्ञा जारी भए पश्चात् बैदेशिक रोजगारबाट फर्किने र जरुरी काम परि उपत्यका बाहिरका जिल्लामा जाने यात्रुहरुलाई काउन्टरका कर्मचारीहरुले छ गुणा बढि सम्म भाडा लिई ठगी गर्ने गरेको पाइएको छ ।
दैनिकजसो बढि भाडा लिई यात्रु ठगी गर्ने कार्यमा संलग्न काउन्टरका कर्मचारीहरु नै ट्राफिक प्रहरीको फन्दामा पर्दै आएका छन् । यसले महामारीको अबस्थामा मौकाको फाइदा लिने समुह सक्रिय रहेको देखाउँछ । हालसम्म महाशाखाले २१ जनालाई पक्राउ गरि कारबाहिको दायरामा ल्याएको छ ।
निषेधाज्ञा लागु भएपछि अत्यावश्यक काम विशेष र बिदेशबाट आई बाहिरी जिल्ला फर्किने यात्रुसँग तोकिएको भन्दा बढि भाडा लिनेलाई कारबाहि गर्न डेडिकेटेड सिभिल टोली समेत परिचालन गरेका छौं । टोलीले त्यस्ता स्थान तथा काउन्टरहरुमा गई निग्रानी गर्ने, यात्रुको भेषमा भाडा बार्गेनिङ गर्ने, गोप्यरुपमा बुझ्ने र यात्रुसँग सोधपुछ गर्ने गर्दछ, टोलीले आजमात्रै ४ जनालाई पक्राउ गरि कारबाहिको दायरामा ल्याएको महाशाखा प्रमुख एसएसपी जनक भट्टराईले बताए ।
हामी निरन्तर अनुगमन एब गोप्य निग्रानी गरिरहेका छौं, तोकिएको भन्दा बढि भाडा लिएको पाइए जोसुकैलाई नियन्त्रणमा लिन्छौं, पछिल्लो समय काउन्टरका कर्मचारी तथा बुकिङ स्टाफहरु नै बढि भाडा लिएको कसुरमा पक्राउ पर्नु सोचनिय बिषय रहेको र यातायात व्यबसायीहरुको समेत यसतर्फ बिशेष ध्यान जानुपर्ने एसएसपी भट्टराईले बताए ।
निषेधाज्ञा घोषणा पश्चात् गोंगबु बसपार्क, कलंकी, कोटेश्वर र गौशाला क्षेत्रबाट ट्राफिक प्रहरीले यात्रु ठग्ने काउन्टरका कर्मचारी र बुकिङ स्टाफलाई पक्राउ गरेको हो ।
ट्राफिक प्रहरीले काठामाडौंको ढुङ्गेधाराबाट बझाङ जयपृथ्बी नगरपालिका-८ का बर्ष २४ को योगेन्द्र बोहोरा र बर्ष ३० का आकाश बिष्टलाई पक्राउ गरेको हो । ना८ख८४९४ नम्बरको शुभ बिहानी यातायात मार्फत धनगढी जाने यात्रुसँग तोकिएको भन्दा बढि भाडा लिएका हुन् ।
त्यसैगरि थाहा नगरपालिका-३ हेटौंडा घर भई बालाजु बस्ने बर्ष ३२ को अमृत बिष्ट र गोर्खा घर भई मित्रनगर बस्ने बर्ष ४५ को सोम बहादुर गुरुङलाई नयाँ बसपार्कबाट पक्राउ गरेको हो । उनीहरुले धनगढी जाने यात्रुसँग प्रति ब्यक्ति चार हजार देखि पैतालिस सयसम्म लिने गरेको महाशाखाले जनाएको छ । पक्राउ परेका चार जनालाई आबश्यक कारबाहीको लागी प्रहरी बृत्त बालाजुमा बुझाएको महाशाखाले जनाएको छ ।
महाशाखाले अत्यावश्यक परि यात्रा गर्नु परेमा टिकट काटेर मात्र यात्रा गर्न र तोकिएको भम्दा बढि भाडा लिएमा प्रहरीको हटलाईन १०० वा ट्राफिक कन्ट्रोल १०३ मा सम्पर्क गर्न समेत अनुरोध गरेको छ ।
