बिराटनगर । प्रहरी अतिरिक्त महानिरीक्षक (एआईजी) प्रधुम्न कुमार कार्कीले प्रहरीले शासकको रुपमा नभई सेवकको रुपमा काम गर्नु पर्ने बताएका छन् ।
संयुक्त राष्ट्र संघ कार्यालय (युएनओपिएस) को सहयोगमा नव निर्मीत ईलाका प्रहरी कार्यालय रानी बिराटनगरको कार्यालय भवन, आवास र भान्सा घरको उदघाटन गर्दै कार्यक्रमका प्रमुख अतिथी एआईजी कार्कीले उक्त कुरा बताएका हुन् ।
ईलाका प्रहरी कार्यालय रानीको हाता भित्र आज भएको भवन उद्घटान कार्यक्रममा बोल्दै उनले भवन आफैमा सबै चिज नभएको प्रस्ट पार्दै, नयाँ भवन संगसंगै कार्यरत प्रहरी कर्मचारीहरुमा नयाँ सोच र धारणा आउनु पर्ने तथा रुपान्तरण हुनु पर्ने धारणा ब्यक्त गरे । कार्यक्रममा एआईजी कार्कीले भवन निर्माणमा उल्लेखनिय भुमिका निर्वाह गर्ने ब्यक्तिहरुलाई प्रशंसा पत्रले सम्मन समेत गरेका थिए ।
कार्यक्रममा बोल्दै मोरङ जिल्लाका प्रमुख जिल्ला अधिकारीले कोषहरि निरौलाले उचित बासस्थानको भरपर्दो ब्यबस्था बिना नै काम कारवाही गरिरहेको ईलाका प्रहरी कार्यालय रानीले सुरक्षित बासस्थान प्राप्त भए संग संगै अब थप हौशलाका साथ काम कारवाही गर्ने र सिमावर्ती क्षेत्रमा हुने बिबिध अपराधीक घटना नियन्त्रणमा थप बल पुग्ने धारणा ब्यक्त गरेका छन् ।
कार्यक्रममा धन्यवाद ज्ञापन गर्दै एक नम्बर प्रदेश प्रमुख प्रहरी नायव महानिरीक्षक (डीआईजी) ईश्वर बाबु कार्कीले भौतिक पुर्वाधारको अभाव र अपर्याप्ताले प्रहरी सेवाका कार्यहरुमा प्रतक्ष्य असर पर्ने बताउँदै सुविधा सम्पन्न भवन प्राप्त भए संगसंगै नागरीक सेवामा अब बिगतका दिनहरु भन्दा प्रभावकारी ढंगले अगाढी बढ्न नव निर्मित भवनको योगदान रहने बिश्वास ब्यक्त गरेका छन् ।
२४ सै घण्टा ड्युटीमा रहनु पर्ने प्रहरी कर्मचारीहरुलाई यस्ता भौतिक सुबिधाले थप मनोवल बढ्ने र कार्यक्षेत्रमा समेत यसले अनुकुल वातावरण सिर्जना गर्ने बताउँदै सुबिधा सम्पन्न भवन प्राप्त भएसंगै थप जोश र उर्जाका साथ प्रहरी काम कारवाही गर्न कार्यरत प्रहरी कर्मचारीहरुलाई निर्देशन समेत दिए ।
युएनओपिएसको सहयोगमा साँढे २ तले कार्यालय भवन तथा आवास गृह र भान्सा घर ५ करोड ८६ लाखको लागतमा निर्माण सम्पन्न भएको भएको हो ।
उक्त कार्यक्रममा स्थानिय जनप्रतिनिधीहरु, युएनओपिएसका प्रमुख सल्लाहकार एवं पूर्व प्रहरी नायव महानिरीक्षक कुमार कोईराला, सुरक्षा निकायका प्रमुख तथा प्रतिनिधीहरु, नागरीक समाजका प्रतिनिधीहरु, बिभिन्न महिला संजाल, संघ संस्थाका प्रमुख तथा प्रतिनिधीहरुका साथै स्थानियवासीहरुको उपस्थिति रहेको थियो ।
